(प्यायते वर्द्धते इति । प्यैङ् +“ छित्वरच्छत्वरधीवरपीवरमीवरचीवरतीवरनीवरगह्वरकट्ठरसंयद्वराः । “ उणां । ३ । १ । ष्वरच् । सम्प्रसारणं दीर्घश्च । ) उपचितावयवः । मोटा इति भाषा । तत्पर्य्यायः । पीनः २ पीवा ३ स्थूलः ४ । इत्यमरः । ३ । १ । ६१ ॥ (यथा आर्य्यासप्तशत्याम् । ४२० । “ भयपिहितं बालायां पीवरमूरुद्वयं स्मरोन्निद्रः । निद्रायां प्रेमार्द्रः पश्यति निःश्वस्य निःश्वस्य ॥ “ पुं तामसमन्वन्तरीयसप्तर्षिभेदः । यथा मार्कण्डेये । ७४ । ५९ । “ ज्योतिर्धामा पृथुः काव्यश्चैत्रोऽग्निर्वलकस्तथा । पीवरश्च तथा ब्रह्मन् ! सप्त सप्तर्षयोऽभवन् ॥ “ )
कोई टिप्पणी नहीं:
एक टिप्पणी भेजें